Kushtet e përdorimit të Dayforce

Përditësuar më 1 shkurt 2024

Informacion i përgjithshëm

Këto kushte rregullojnë aksesin dhe përdorimin e uebit dhe aplikacionit celular të Dayforce ("Dayforce", "ne", "e jona" ose "neve") dhe shërbimeve (kolektivisht "Aplikacioni") sipas përdoruesve të aplikacionit (kolektivisht "ti" ose "e jotja"). Ne mund t'i rishikojmë këto kushte herë pas here sipas gjykimit tonë të vetëm, duke përfshirë reflektimin e ndryshimeve në ligjin në fuqi. TË LUTEM, SHIKO RREGULLISHT PËR TË PARË ÇDO RISHIKIM. Duke vazhduar të përdorësh këtë aplikacion, ti pranon kushtet e përcaktuara këtu dhe çdo rregullore të vendosur nga punëdhënësi yt. Këto kushte janë krahas marrëveshjes së shërbimit të lidhur me punëdhënësin dhe Dayforce. Ato nuk e zëvendësojnë këtë marrëveshje.

Aksesi

Për të aksesuar këtë aplikacion, duhet të identifikohesh duke përdorur ID-në dhe fjalëkalimin. Je tërësisht përgjegjës për ruajtjen e konfidencialitetit të ID-së dhe fjalëkalimit të përdoruesit, si dhe çdo aktiviteti që ndodh sipas ID-së tënde të përdoruesit. Ti pranon të njoftosh menjëherë punëdhënësin për çdo përdorim të paautorizuar ose të dyshuar të ID-së tënde të përdorimit ose çdo shkelje tjetër të sigurisë.

Kufizimet në përdorim

Ti pranon që nuk do ta përdorësh aplikacionin ose komponentët e tij të mbështetur në ueb për asnjë qëllim që shkel ligjin provincial, lokal, shtetëror, federal ose ndërkombëtar, apo ndonjë rregullore tjetër të zbatueshme. Aktivitete të tjera të ndaluara përfshijnë, por pa kufizim:

Dëmtimin, çaktivizimin, mbingarkesën dëmtuese ose dëmtimin e aplikacionit, serverëve ose rrjeteve në Dayforce;
Interferimin me përdorimin e aplikacionit nga pala tjetër;
Përpjekjen për të fituar akses të paautorizuar tek aplikacioni përmes hakimit, thyerjes së fjalëkalimeve dhe mjeteve të tjera;
Aksesimin ose ndryshimin e të dhënave të ruajtura brenda aplikacionit, duke përfshirë të dhënat personale të përdoruesve të tjerë, kur nuk je i autorizuar ta bësh këtë;
Përdorimin e aplikacionit në një mënyrë që është e dëmshme, kërcënuese, abuzive, ngacmuese, e gabuar, e pahijshme, shpifëse, diskriminuese, përbuzëse, e dhunshme ose që nxit dhunën, keqdashëse ose e papranueshme;
Përpjekjen për të imituar një person ose objekt tjetër brenda aplikacionit; dhe
Përdorimin e aplikacionit në një mënyrë që i shkel këto kushte ose që nuk është autorizuar, duke përfshirë punëdhënësin.

Kufizimi i përgjegjësisë

NË MASËN MË TË PLOTË TË LEJUAR NGA LIGJI NË FUQI, Dayforce dhe bashkëpunëtorët e tij nuk do të jenë përgjegjës për asnjë dëm që ti pëson, që rezulton nga ose lidhet në çfarëdo lloj mënyre me (i) aksesin ose përdorimin e ndonjë aplikacioni, pavarësisht nëse aksesi ose ai përdorim është i autorizuar apo i paautorizuar, (ii) përpjekjen për të aksesuar ose përdorur aplikacionin, (iii) pamundësinë për të aksesuar ose përdorur aplikacionin, (iv) çdo shkelje të sigurisë që lidhet me transmetimin e informacionit përmes internetit, (v) mbështetjen te aplikacioni edhe nëse Dayforce është njoftuar për mundësinë e dëmeve të tilla. Ky kufizim i përgjegjësisë shtrihet dhe ndalon pretendimet për dëme të drejtpërdrejta, si dhe dëme të rastësishme, të veçanta, kompensuese, të tërthorta, ndëshkuese ose rezultuese (duke përfshirë, pa kufizim, çdo humbje fitimi ose dëm për ndërprerje të biznesit, humbje të informacionit, programeve ose të dhënave të tjera). TI KUPTON DHE BIE DAKORD QË APLIKACIONI DO TË PËRDORET NGA ANA JOTE SIPAS GJYKIMIT DHE DISKRECIONIT TËND, DHE DO TË JESH PËRGJEGJËSI I VETËM PËR ÇDO DËM NË LIDHJE ME APLIKACIONIN, DUKE PËRFSHIRË HUMBJEN OSE DËMTIMIN E SISTEMIT TË KOMPJUTERIT TËND OSE PAJISJES CELULARE.

Nuk ka garanci

NË MASËN MAKSIMALE TË LEJUAR NGA LIGJI, APLIKACIONI DHE SOFTUERI MBËSHTETËS I TIJ OFROHEN "SIÇ JANË" DHE PËRDOREN DUKE E NDËRMARRË RREZIKUN VETËM TI, PA ASNJË GARANCI. NE NUK JAPIM ASNJË GARANCI, PRETENDIM APO DEKLARATË DHE MOHOJMË SHPREHIMISHT TË GJITHA GARANCITË E ÇDO LLOJI, QOFTE TË SHPREHURA, TË NËNKUPTUARA APO TË PËRCAKTUARA ME LIGJ, LIDHUR ME APLIKACIONIN DHE SOFTUERIN MBËSHTETËS TË TIJ, DUKE PËRFSHIRË, PA KUFIZIM, GARANCITË APO KUSHTET E CILËSISË, PERFORMANCËS, MOSSHKELJES, TREGTUESHMËRISË APO PËRSHTATSHMËRISË PËR PËRDORIM PËR NJË QËLLIM TË CAKTUAR. PËR MË TEPËR, NE NUK SIGUROJMË APO GARANTOJMË SE APLIKACIONI DHE SOFTUERI I TIJ MBËSHTETËS, DHE ÇDO E DHËNË APO PËRMBAJTJE TJETER QË TI FUT APO NGARKON NË APLIKACION, DO TË JETË GJITHMONË E DISPONUESHME, E AKSESUESHME, E PANDËRPRERË, AKTUALE, E SIGURT, E SAKTË, E PLOTË DHE PA GABIME, APO QË DO TË FUNKSIONOJË PA HUMBJE PAKETASH, DHE AS NUK GARANTOJMË ASNJË LIDHJE APO TRANSMETIM NGA INTERNETI DHE ASNJË CILËSI TË THIRRJEVE TË BËRA PËRMES SOFTUERIT.

Konfidencialiteti

Mund të jesh në gjendje të aksesosh informacionin tënd konfidencial ose atë tonin gjatë përdorimit të aplikacionit. Informacioni konfidencial nënkupton (a) çdo informacion të shkruar, materiale dhe dokumente të tjera, të cilat përgjithësisht nuk do të zbuloheshin publikisht dhe (b) çdo informacion tjetër të kalsifikuar si konfidencial ose pronësor, ose që për shkak të natyrës së informacionit, një person i arsyeshëm do ta kuptonte qartë se është informacion konfidencial. Në lidhje me informacionin tonë konfidencial, ti: (a) do ta përdorësh vetëm për qëllimin e tij të synuar; (b) nuk do ta zbulosh për të tjerët; (c) do ta ruash nga përdorimi dhe zbulimi i paautorizuar me të njëjtin kujdes si për informacionin tënd të ngjashëm, duke zbatuar të paktën një nivel të arsyeshëm kujdesi.

Prona intelektuale

Aplikacioni është pronë e Dayforce, ose, sipas rastit, e licencuesve të tij ose e një pale të tretë. Nuk duhet të modifikosh, kopjosh, shpërndash, transmetosh, shfaqësh, publikosh, ruash, ta bashkëpërdoresh me orare, shesësh, licencosh, ta japësh me qira, krijosh vepra derivuese ose ta përdorësh aplikacionin në një mënyrë të paautorizuar. Përdorimi i aplikacionit nga ana jote nuk të jep të drejtë të kryesh ndonjë veprim të paautorizuar në aplikacion. Ti pranon që nuk fiton asnjë të drejtë pronësie për aplikacionin. Dayforce nuk jep asnjë licencë, të shprehur ose të nënkuptuar, për pronën e saj intelektuale ose atë të licencuesve të saj, përveç rasteve të autorizuara shprehimisht nga këto kushte ose me shkrim nga Dayforce, duke përfshirë çdo kusht dhe afat midis Dayforce dhe punëdhënësit tënd.

Ti nuk mund t'i përdorësh për asnjë qëllim markat tregtare, logot dhe markat e shërbimit që shfaqen në aplikacion pa pëlqimin paraprak me shkrim të Dayforce ose të një pale tjetër që mund të zotërojë markën, të cilën Dayforce ose një palë e tretë mund ta tërheqë sipas gjykimit të saj të vetëm. Dayforce është një markë tregtare e regjistruar e Dayforce. Të gjitha të drejtat janë të rezervuara. Emrat dhe logot e produkteve të kompanive të tjera të përmendura në këtë aplikacion/shërbim janë marka tregtare të zotëruesve të tyre përkatës.

Net Promoter, NPS dhe emotikonët që lidhen me NPS-në janë marka tregtare të regjistruara në SHBA, dhe Net Promoter Score dhe Net Promoter System janë marka shërbimi të Bain & Company, Inc., Satmetrix Systems, Inc. dhe Fred Reichheld.

Dispozita të përgjithshme

Çdo dispozitë e këtyre kushteve që është e pazbatueshme në ndonjë juridiksion, në lidhje me një juridiksion të tillë, do të jetë e paefektshme në masën e këtij ndalimi ose kësaj pazbatueshmërie, pa i bërë të pavlefshme dispozitat e mbetura dhe çdo ndalim ose pazbatueshmëri e tillë në ndonjë juridiksion nuk do ta bëjë të pavlefshme ose të pazbatueshme një dispozitë të tillë në asnjë juridiksion tjetër.

Këto kushte rregullohen dhe interpretohen në përputhje me ligjet e shtetit të Minesotës dhe ligjet federale në fuqi, pa marrë parasysh rëniet ndesh të parimeve ligjore. Ti pranon që të gjitha procedurat që lidhen me aplikacionin dhe çështjen e trajtuar këtu do të zhvillohen në gjykatat e shtetit të Minesotës ose në gjykatat federale të qarkut që ndodhen në Minesota, të cilat do të kenë juridiksion ekskluziv për një qëllim të tillë. Çdo pretendim ose mosmarrëveshje që lidhet me aplikacionin ose sipas këtyre kushteve, dhe çdo njoftim ligjor mbi aplikacionin, duhet të ngrihet brenda një (1) viti pasi të ketë lindur pretendimi (nëse ka pretendime të shumëfishta, nga data kur lind pretendimi i parë), ose do të hiqet dhe ndalohet përgjithmonë.